ఆనంద నందనుడు
~~~~~~~~~~~~~~~~
ఆటలకు వేళాయెరా!
పాటలకు వేళాయెరా!
మురిపాల క్రిష్ణయ్య!
రా వేగమే! 2 //
కస్తూరి,గంధములు
నీ,మేనంత అలదింది
చూడా మణీ ,కౌస్తుభ
హారములు వేసింది
నెమలీక సిగలోన
ముడిచి సింగారించె,,,
తల్లి యశోదమ్మ !
వేగమే రావయ్య!
ఆనంద మోహన,కృష్ణ!! //
~~~~~~~~~~~~~~~~~~
అద్దమున నీ మోము
అందాలు చూచు కొను
మురిసేవు,మరి మరీ !
గారాలివే! వేలు !
మరిచాలు ! గోపాల!
వ్రేపల్లె మరిచేవు ,
మరి చాలు!చాలును! //
కొలను తన ఒడలంత
అద్దముగ చేసెరా,
నీరాడు ఆటలకు
నీ రాక కోసమై !
జల క్రీడ లాడేటి
నీ స్పర్శ కోసమై!
నీరాజనము లొసగ
మై దర్పణము చేసి,
వేచేను ,ఆ యమున.
వేగ రావోయీ !
మా ముద్దు గోపాల! //
~~~~~~~~~~~~~~~~~~~~~~~~~~~~~
లేబుళ్లు: శ్రీ కృష్ణ గీతావళి
రాగ రాగిణి
................
ముద్దుల మురళిని చేకొనిగిరి
శృంగము పైకి చేరి
ఒక పెను శిల పై ,
జేరగిల్లి మ్రోగించు చున్నది,
చెలి రాధిక,
ఉదయ కిరణ సందోహములిలా
ఇలను చేరు వేళ
సరి కొత్త మురళి భాసించెను.
వేణువుపై నాట్యములనుచేసేను ,
ఆమె చివురు వ్రేళ్ళు!
చిలిపి గాలి
కన్నియలుమురళి లోన
లోన దూరి"
రాగ భోగ
స్నానములను"ఓలలాడు సందడి ఇది!!!
,హృది మెత్తగ సోకేను!
మంద వాయు కన్యకలు
ఎంత తులిపి వారో?,
ఎంచ ఎవరి తరమగును?
..............................
సాగుతోంది ,మురళి రాగ వీచిక!
ఆన వాలుగా ,అదె!,
వేణు వినోది మృదు వైనట్టి "రాక"!
మధుర రాగములన్నింటి
మనవినివిను చున్నది ,"ఏరు వాక"
.క్రిష్ణయ్యా! అంకితమగు నీ 'పాట
'నీకు గాక ,మరి ఎవ్వరికట???!!!
.......................................................................
లేబుళ్లు: శ్రీ కృష్ణ గీతావళి
