నిద్రా వినువీధి
By kadambari piduri, Mar 10 2009 5:57PM
ఒక్క సారిగా ఎగురుతూన్న కలల విహంగాలతో
నా నిద్రా వినువీధి క్రిక్కిరిసి పోయింది
కిలకిలా రావాల సందడిలో
ఏవేవో ఊసులు వెల్లువెత్తుతున్నాయి
తారకల మిలమిలల మధ్య
నింగి నుంచి నేలకు
సుతి మెత్తగా జారుతూన్న
పొగ మంచుల తెలి వలపు తెరలు
అందాలకు నెలవులై
కనువిందు చేస్తూన్నాయి.
ప్రేయసీ!
నీ క్రీ గంటి చూపుల గూటిలో
ఒదిగి పోయిన
నా హృదయ మొక బంగారు పిచ్చుక.
అందుకే,
దరహాసినీ!
ఈ జీవితం నీకే సొంతం!
(ఆంధ్రభూమి వార పత్రిక, 2008లో ప్రచురణ ) Views (80) | Comments (1)
లేబుళ్లు: కవిత్వాలు
0 Comments:
Subscribe to:
కామెంట్లను పోస్ట్ చేయి (Atom)