నిద్రా వినువీధి

నిద్రా వినువీధి

By kadambari piduri, Mar 10 2009 5:57PM








ఒక్క సారిగా ఎగురుతూన్న కలల విహంగాలతో 
నా నిద్రా వినువీధి క్రిక్కిరిసి పోయింది 
కిలకిలా రావాల సందడిలో 
ఏవేవో ఊసులు వెల్లువెత్తుతున్నాయి 
తారకల మిలమిలల మధ్య 
నింగి నుంచి నేలకు 
సుతి మెత్తగా జారుతూన్న 
పొగ మంచుల తెలి వలపు తెరలు 
అందాలకు నెలవులై 
కనువిందు చేస్తూన్నాయి. 

ప్రేయసీ! 
నీ క్రీ గంటి చూపుల గూటిలో 
ఒదిగి పోయిన 
నా హృదయ మొక బంగారు పిచ్చుక. 
అందుకే, 
దరహాసినీ! 
ఈ జీవితం నీకే సొంతం! 

(ఆంధ్రభూమి వార పత్రిక, 2008లో ప్రచురణ ) 
Views (80) | Comments (1) 

0 Comments:

Post a Comment